أرشيف جميع حلقات برنامج لالة مولاتي مرحبا بالمستمعات الوفيات و ببنات منتدى المغربية

صفات ميد راديو على برنامج لالة مولاتي ليوم 23/3/2011 وصفة ترطيب الشعر
بنانة مع معلقة زيت الزيتون+معلقة كبير من العسل
نخلطو كولشي ونديروهم لشعر ديالنا مدة 3 ساعات ونديرو فوطة سهونة ومن بعد نغسلو الشعر ديالنا اخر تشليلة تكون بماء بارد

تمعكي لافوكا وتخلطيها مع عصير الحامض الى كان الشعر دهني الى كان عادي و لا جاااف نخلطو معها زيت العود ونديروه للعشر ديالنا ونغطيوها بفوطة سخونة

ممكن تدهني الشعر ديال بزيت اليازير
http://www.lmaghribiya.com/vb
مليكة من الدار البيضاء
*وصفة للحمل *
كيلو لحم الراس الهبرة
20 درهم مساخن تمشي عند العطار وقوليه اجمعهم ليك وطحنيهم انتي
رابعة الحلبة
رابعة حب رشاد
معلقة سانوج
معلقة سكنجبير
معلقة ابزار
رابعة تومة بلدية
رابعة شريحة
راعبة الحمص
نصف لتر زيت العود
كسكسو مفور
نشدو لحم نديروه فحال القديد نديروه شرائح نشدو نصف لتر زيت العود نحيدو منو كاس بعد ما طحنا المساخن نزيدو حلبة حب رشاد سانوج و سكنجبير و ابزار و ملح و تومة نصف نديروه منقي ونصف نخليوه ونزيدو الزيت العود ونرقدو فيه الحمد مدة 3 ايام كل 24 ساعة نقلبوه
نهار لي نبغيو نطيبوه نرقدو الحمص ارطاب
نردو كسكسو نديرو الماء اطيب في البرمة تقريبا نصف ديال البرمة اكون ماء ونزيدو عليه ديك تخليطة لي كنا مرقدين وي تفور عادي
نزيدو حتى الحمص
نشدو شريحة لي كنا مرطبين ساعة تقريبا نصفيوها ونزيدو عليها شوية القرفة وكاس سنيدة و كاس الماء ونخليوها تعسل
تفويرة الاخيرة نرشوها بشوية المساخن و نفتلو بكاس الزيت العود لي نقصنا وشوية الملح
صافي ونقدمو في الطبق ونسقيه ونزوقوه بشريحة ونقدموه مع اتاي لي درنا فيه زعفران

فقاص كبير
قرعة ماء زهر
10 بيضات
طحين حسب الخليط
زلافة سنيدة
زلافة مخلطة بين زيت وزبدة
3 خمارات
1 فاني
نصف رابعة لود مقسوم على نص
معلقة نافع
معلقة حبة حلاوة
نخلطو العناصر
ونديرو حريبلات وندهنوه بصفر بيضة و القهوة
ونرشموه بلفرشيط نطيبوه ونخليوه ليلة كاملة في ثلاجة حتال صباح ونقطعوه ونطيبوه و بالصحة و الراحة
http://www.lmaghribiya.com/vb

__________________

بشرى من البيضاء

براوني بلكركاع
www.lmaghribiya.com/vb
150 غرام شكلاط
110 غرام زبدة
130 غرام سنيدة
نصف خمارة
120 غرام كركاع مهرمش
شوية ملح
3 بيضات
80 غرام دقيق
20 غرام نشا
نخلطو كولشي ونديرو شكلاط فحمام مريم ونزيدو عليه زبدة ونديروه فطاوة مربعة و لا دائرة وندخلوه للفران تاي جي غزال

مسمسن بياغورت
www.lmaghribiya.com/vb
كيلو فورص ممتاز
كاس ياغورت فاني
4 معالق سنيدة
3 معالق كبار زيت
خمارة
شوية خميرة
شوية ملح
1 فاني
وماء دافئ
نعجنو كولشي نورقوه بزبدة ونديرو وحدة وسط وحدة ونطيبوه فلفران
www.lmaghribiya.com/vb
وصفة الحساسية
راعبة سانوج
رابعة زريعت البصلة
راعبة نافع بستاني
4 حبات بديان
العسل الحر
نطحنو كولشي ونخلطو بعسل حر ونديروه كوييرات ونبقاو ناخدوها ويوميا غير نمصوها بدون مان شربو الماء مع الفجر

حورية من المحمدية
وصفة داء السكري
www.lmaghribiya.com/vb
100 غرام قزبور يابس
100 غرام حلبة
100 غرام ترمس
نطحنو كولشي ونبقاو ناخدو معلقة صغير فكل وجبة يعني 3 معالق فنهار في الفطور و الغداء و العشاء
و الغداء ناخدو بصلة محكوكة و راس معلقة سانوج ماشي يابس و راس معلقة حلبة مطحونين

وصفة لأعصاب

معلقة خزامة معلقة عسل ونفيضوها فكاس حليب كل ليلة نصفيوه ونشربوه

3 فصوص تومة نصلقوهم و نحيدوهم من الماء ونمعكهم مع صفار بيضة بلدية ومع معلقة زيت الزيتون و شوية ملحة و شوية كامون وتبقا تفطر بهم كل صباح

وصفة رائحة الفم
ناخدو مقدار تومة و المقدار لي خدينا ديال تومة ناخدو ديال القرنفل وي تعجن بالعسل كل ليلة ناخدو كويرة خصنا ناخدوها اخر حاجة يعني ناخد كوية ونشرب كاس ماء ونعسو

وصفة ترطيب الشعر
كاس دركة و صفار بيضة بلدية و 3 معالق زيت الدرة و معلقة زبدة بلدية بدون ملح ومعلقة عسل حر مرطب طبيعي نعملو القناع على الشعر نخليوه مدة ساعتين نغسلو الشعر ديالنا اخر تشليلة تكون بماء الخرطال ناخدو حفنة خرطال 4 كيسان ماء
www.lmaghribiya.com/vb
شريفة من البيضاء

حبوب في الظهر

ماء النترون + 2 معالق حنة +معلقة حلبة و معلقة شيح نجمعوهم بماء ورد ونديروهم للظهر ديالنا 20 دقيقة ونغسلو بماء الزعتر

وصفة تسمين

معلقة زعتر
و الحمص مكلي
الثمر معجن
رابعة زنجلان مطحون

وصفة تساقط الشعر

7 فصوص تومة
7 معالق زيت الخرواع
نديروهم في قرعة مدة 36 ساعة
ومن بعد نصفيوه ونديروه للشعر مدة نصف ساعة ونديرو فوطة سخونة ونغسلو الشعر بعد نصف ساعة

وصفة تانية

جرد قصب نشدوه نحركوه بحال الفاخر ونخلطوه مع زيت الخرواع ونديرو للشعر لكن خصنا نردو البال مان وصلوه لجبهة باش ماي نوضش الشعر فيها لانه فعال تاي خلف الشعر

تبيض الاسنان

خبز محروق بحال الفاخر مع العسل ولا الحامض ونديروه للاسنان ديالنا
www.lmaghribiya.com/vb


سناء من برشيد

فقاص
3 بيضات
نصف كاس زبدة مدوبة
كاس حليب ولا كاس ليمون
2 خمارات
100 غرام زبيب مقطع
150 غرام سكر كلاصي
كاس ماء الزهر
قشرة 22 ليمونات
2 فاني
دقيق خسب الخليط
نخلطو كولشي ونديروهم حرابل طوال ندهنهم بصفار بيض ونحكو عليهم ليمونة وندخلهم للفران فاش اتحمر نخرجوه نخليوه ابرد ونقطعه ونرجعه اطيب و بالصحة و الرااحة


بريوات الفرماج و البطاطة
500 غرام ورقة بسطيلة نقطعوهم على كوول
2 بطاطات مصلوقين فشوية الملح
150 غرام فرماج محكوك
كوزة محكوكة
بيضة مطربة
3 معالق زبدة
نخلطو جميع المكونات
ونديروهم كويرات ونديروهم في الورقة على شكل سيكار ولا بريوات
ونلصقهم بالبيض ونقليوهم فزيت ولا ندخلهم للفران

مسمن بلكوك
نصف كيلو طحين
نصف كيلو دقيق قمح
رابعة زبدة
رابعة كوك
خمارة
+ فاني
شوية ملح
وماء دافئ
معلقة سنيدة
نعجنو العجينة نديرو ملح و سنيدة وخمارة الحلوة وندلكوها مزياان ونديروها كويرات ونبسطوهم نورقوهم بزبدة و نرشو الكوك ونديرو رغيفة وسط رغيفة حتى نكملو وندخلوهم للفران ملي اقربو اطيبو ندهنهم بصفار بيضة و بالصحة و الراحة
www.lmaghribiya.com/vb
ام زينب من الرباط

وصفة مرض الاعصاب

2 وراق حبق بلدي مع شوية بابنوج مع كاس حليب نغليوهم ونصفيوه ونحليوه بلعسل ونشربوه كل ليلة

وصفة رائحة العرق
معلقة ك شبة مدقوقة
معلقة ك توتية
شوية مسك
نديروه فشي قرعة ديال بودرة طالك
فاش نخرجومن الحمام نعملوه لمناطق لي تاي عرقو لينا

تشيز كيك
4 بكيات بسكوي صابلي عادي
50 غرام زبدة
نطحنو البسكوي ونزيدو عليه 50 غرام زبدة نجمعوه نشدو المول نديرو فيه هاد العجين
لكريمة
500 غرام جبن
رابعة سنيدة
3 معاق نشا
قشور حامضة
قشور ليمونة
فاني
5 معالق قشدة طرية
2 بيضات
2 اصفر بيض
كولشي تان طربوه مزياان
ونخويوها فوق العجين ديال البسكوي وندخلوها للفران
فاش نخرجوها
كان شدو 4 فريزات نطحنهم ونديروها فوق الكريمة و بالصحة و الراحة

بريوات بجبن
2 كريعات خضرين محكوكين
نصهدهم شوية في المقلة مع شوية الزيت و شوية ملح و لبزار
نزيدو شوية جبن و زعتر محكوك و شوية نعناع يابس
نعمرو البريوات اما نقليوهم و لا ندخلوهم للفران
www.lmaghribiya.com/vb
مونيا من سلا
تلميع صبابط
قشور البنان نحكوه به الصبابط ونخليوه دقيقة ونشدو شي زيف ونمسحو به
www.lmaghribiya.com/vb
ام هاني من اكادير

وصفة للعرق
80 غرام اوراق سالمية اكونو مجففين
نديروهم للمدة اسبوع فلتر خل طبيعي
ومن بعد ونصفيوه ونبقاو ناخدو معلقة قبل كل وجبة

وصفة لأعصاب و القلق
شجرة ليمون كا طيح زهرة هدوك زهور نطبخوهم في الماء ونديروهم في ثلاجة ونبقاو نشربو هذاك الماء

فقر الدم
زبيب الاسود نتبخوه في الماء ونديرو في ثلاجة ومرة مرة نبقاو نشربو هداك الماء

حلوة كاوكاو و لكريمة
500 غرام كاوكاو
كاس صغير زيت
2 كيسان سنيدة
كاس صغيير زبدة مدوبة
كيس خميرة حمراء
طحين حسب الخليط
الكريمة
بيض بيضة 250 غرام سكر كلاصي
نشدو كاوكاو نقليوه في الزيت
ونطحنوه بلقشور ديالو ونزيدو عليه سنيدة
و زبدة و الخميرة و طحين تدريجيا
حتى نحصلو على عجين ونديروها فوق الطبلة نسرحوها ونقطعوها بمرشم على شكل هلال
ونديروها في لاطة بعد ما دهناها بزيت و رشينا بطحين
تان شدو الكريمة ابيض البيض و سكر كلاصي تان رطبوهم مزياان وندهنو بها الوجه ديال الحلوة وندخلوها للفران مدة 15 دقيقة تقريبا و بالصحة و الراحة
www.lmaghribiya.com/vb

ام هاجر من اسفي

رايب حليب غبرة
لتر ونصف ماء نخليوه حتى اغلى ونديرو فيه 14 سكرة دوك المربعات ديال البكية نخليوها فوق البوطة
ناخدو لتر ونصف اخر ماء نديرو فيه 14 معلقة حليب غبرة +ياغورت فاني و 1 فاني نخلطهم بلخلاط الكهرابائي
نشدو كاسرونة نخويو فيها الماء لي درنا معاه حليب غبرة ونخلطو معاه لتر ونصف ديال الماء لي درنا معاه 14 سكرة ونغطيو مزيااان تكون مسدودة ونخليوه 24 ساعة عاد نحركوه مزياان وندخلوه للثلاجة




__________________

السلام عليكم ورحمة الله وبركاته

وصفات ميد راديو على برنامج لالة مولاتي 27.3.2011


ام ياسين من الدار البيضاء

كتشوب

ناخدو في كاسرونة على نار مهيلة نديرو كاس عنبة ماء وحك مطيشة صغير و قبصة ملح و سكر كلاصي حسب الدور و معلقة كبير نشا ومعلقة صغير خل ونبقاو نطربوو مزيااان حتى اتقاال

وصفة زيادة الوزن

رابعة كركاع
رابعة زريعت الكتان
ربعة حمص مقلي
رابعة صوجا مقلية
رابعة اللوز
رابعة سانوج
رابعة خودنجال
و رابعة جنجلان
رابعة سكر كلاصي
و 2 معالق قرفة
رابعة ايلان مقلي ومطحون
و العسل الحر باش نجمعو نخلطو كولشي ونديروه فبواطة ونديروه فثلاجة ونبقاو ناخدو معلقة قبل الاكل

وصفة تنظيف تبيض الوجه

الفول مطحون
و الحمص مطحون
و العكر الفاسي
نجمعو كولشي بماء دافئ ونديروه للوجه مدة 20 دقيقة ونغسلو الوجه ونمسحو بماء الورد مع المداومة

فقاص بخيزو
نصف كيلو خيزو محكوك ومعصور
2 بيضات
كاس ونصف زيت
2 كيسان سنيدة
1 فاني
2 خمارات
و دقيق حسب الخليط
نخلطو ونديرو على شكل سكار وندهنهم بالبيض و القهوة سريعة دوبان وشوية خل ونشدو الفرشط نديرو على شكل امواج وندخلوه للفران فاش اتحمل نخرجوه نديروه ففوطة ساردة وندخله للثلاجة ابرد شوية فاش ابرد نقطعوه ونطيبوه و بالصحة و الراحة

عتيقة من مراكش

تطويل ومنع تساقط الشعر

ضرس تومة نقطعه قطع صغيرة ونديرو فيها قرعة ديال زاج ونزيدو عليها زيت الجرجير +زيت جوز الهند+زيت الزيتون+ زيت الخرواع+زيت اللوز + زيت الدرة ونبقاو نشقو به شعرنا قبل مان غسلو كل سيمنة
www.lmaghribiya.com/vb
ماسك محاربة التجاعيد و ترطيب البشرة الجافة

ناخدو بطاطة مصلوقة نمعكوها + 2 معالق حليب سائل +معلقة نشا +3 معالق زيت الدرة + 2 معالق زيت اللوز+ ماء الروز المصلوق نخلطو ونديروه للوجه

وصفة اقلاع عن التدخين

قشرة الحامضة نقطعوها قطع صغيرة + ماء غليا نخليوه حتى صباح ونبقاو نشربوه

وصفة الفطريات فرجلين

شوية حنة + معلقة شبة +2 معالق عصير حامضة+ معلقة عسل نخلطو كولشي ونديروهم بالليل حتال اليل ونغسلوهم

وصفة حب الشباب

2 معالق عسل + معالق مسحوق ترمس+ معلقة خل التفاح نخلطو كولشي ونديروهم للبشرة ديال مدة 20 دقيقة ونغسلو الى غسلنا نديرو قطعة ثلج ندوزوها على الوجه
www.lmaghribiya.com/vb
وصفة حب الشباب

عصارة المعدنوس + مقدار عصير خيار + 2 معالق عسل

وصفة تبيض تنقية البشرة

شوية لافوكا + معلقة زيت اللوز +معلقة عسل + صفار بيضة + حبة فريز

وصفة تنقية البشرة
www.lmaghribiya.com/vb
تفاحة محكوكة +معلقة نشا+معلقة عصارة الخس+قطيرة حامض+2معالق طحين الفورص

بطبوط بطاطة و الجبن

250 غرام طحين قمح
125 غرام طحين فورص
ملح
معلقة سنيدة
معلقة زيت
نصف معلقة خميرة خبز
نعجنو العجينة ونخليوها تخمر
www.lmaghribiya.com/vb
الحشوة
كيلو غرام بطاطة مصلوقة
علبة من قطع جبن
شوية معدنوس
ملح ابزار هريسة نصف معلقة كامون
4 بصلات مشلضين
نصف معلقة فلفل احمر
ناخدو مقلة نحمرو فيها بصلة + زيت + ملح حتى تنزل البصلة نزيدو عليها معدنوس ابزار و الكامون و فلفل + بطاطة مطحونة قبل مان حيدو المقلة من فوق العافية نزيدو جبن و الهريسة
ناخدو العجينة نديروها كويرات ونبسطوها شوية نديرو شوية الحشوة في الورسط ونجمعوها ونخليوها ترتاح شوية فاش نكرصوها نكرصوها بالزيت ونبقاو نطيبو مرة مرة نرشو المقلة بزيت

حسناء من فرنسا

غريبة الزبيب
رابعة زبدة
رابعة سكر كلاصي
نصف كاس زيت
100 غرام زنجلان محمر
100 غرام زبيب مقطع
2 بيضات
2 خمارات
دقيق حسب الخليط
سكر كلاصي للتزين
نخدمو الزبدة مع سكر ونضيفو جميع المقادير و الخميرة ودقيق في الاخير ونكوروها كويرات ونرشموها بلمرشم ونستفوها فلاطة وندخلوها طيب فاش طيب ندوزها في سكر كلاصي
www.lmaghribiya.com/vb
عائشة الحملوشي من الدار البيضاء

طارت بلكراميل

2 بيضات
كاس لاروب سنيدة
كاس لاروب زيت
1 خمارة
2 معالق غبرة كاكاو
5 معالق طحين
نجمعو كولشي وندهنو المول ديال زاج ونكوبو فيه العجين وندخلوها طيب

نوجدو الكريمة
3 صفار بيض
نصف لتر حليب
1 فاني
2 معالق نشا
2 معالق سنيدة
نطيبو لاكريم على نار مهييييلة حتى تعقاد
نخرجو الحلوة من الفران ونكبو عليها الكريمة وهي مزالة سخونة على ماي شبر الكريم
كان وجدو فلان
كاس ماء كبير +2 فلون صغار + معلقة سريعة دوبان
نطيبوه على نار مهيييلة فاش اجمد لينا شوية لاكريم باتسيير نكبو عليه لفلون ديالنا وندخلوها للثلاجة
و بالصحة و الراحة
www.lmaghribiya.com/vb
غزلان من تزنيت

حسوة النخالة

زلافة نخالة نخلطوها مع ماء بارد وقبصة ملح ونخليوها طيب مع تحراك دائما فاش طيب نزيدو عليها كاس حليب ونخليوها حتى اغلا ممكن ايضا نديو معها نافع ولا زنجلان و بالصحة الراحة

لاسوب بالبطاطة و الروز

2 بطاطات منقيين
نصف زلافة روز عادي
شوية كرافس
تومة
1 بصلة
ملح و ابزار و شوية زيت
نديرو كولشي هاد المقادير في الماء ونخليوها طيب
نشدو شوية كروفيت نشحروه فشوية زبدة بين ما طابت البطاطة نزيدو عليها لكروفيت ونطحنو كولشي فمولينيكس ونزيدو عليها كاس حليب و 3 فرماج المربع ونخلطو كولشي و بالصحة و الراحة
www.lmaghribiya.com/vb
كيكة
كاس كوك
كاس دقيق
كاس سميدة رقيقة
كاس سنيدة
كاس زيت
2 خمرات
فاني ولا قشرة حامض
قبصة ملح
5 البيضات
نخلطو كولشي ونديروها فمول مدهون فاش طيب ندير سيرو ديال 3 معالق كونفتير +شوية ماء ونسقيوها ونرشوها بلكوك و لا شكلاط فرمسيل و بالصحة و الراحة

مريم من اسفي

فقاص
8 بيضات
2 كيسان زيت
2 خمرات
2 كيسان سنيدة
2 كيس فاني
شوية نافع
شوية لوز مهرمش
و طحين حسب الخليط
نخلطو كولشي ونديروه على شكل حريبلات ندهنوه حريبلا ت وندهنوه بالبيض و القهوة سريعة الدوبان وندخلوه اطيب فاش اطيب نقطعوه و ندخلوه اطيب و بالصحة و الراحة
www.lmaghribiya.com/vb
لحم محمر بلكركاع و المشماش

كيلو اللحم
معلقة صغيرة ابزار
معلقة صغيرة ملح
معلقة صغيرة سكنجبير
شوية زعفران
4 ضروس تومة
3 بصلات
شوية سمن
كاس زيت العادية و االبلدية مخلطين
زعفران شعرة
و شوية القرفة
كيلولاروب مشماش
و شوية الكركاع
ناخدو اللحم نرقدو في المقادير ديالنا مدة 20 دقيقة مع كاس ديال الماء ونديرو من بعد طنجرة فوق العافية فاش كات غلا الطنجرة عاد نزيدو زيت + بصلة مشلضة غلاض +نزيدو الماء لي اطيب لينا اللحم على نار مهيلة فاش اطيب اللحم نزيدو معلقة سكر كلاصي
ناخدو المشماش نزيدو ليه نصف لتر ماء نخليوه اطيب مدة 30 دقيقة من بعد نصفيو ونزيدو عليه 3 معالق صلصة المرق و القرفة و السكر ونخليوه على نار مهيلة حتى اتعسل وزيدو عليه شوية ماء زهر و الكركاع للمدة 30 دقيقة ونطفيو عليه
نقدو اللحم ديالنا مزين بالمشماش و الكركاع و بالصحة و الراحة

ايسكريم

علبة حليب محلى
كاس قهوة سريعة الدوبان
شوية ملح
معلقة صغيرة فاني
2 كيسان قشدة طرية
في الخلاط الكهربائي نديرو الحليب المركز +القهوة +فاني + قشدة + ملح ونخلطووومزيااان حتى نحصلو على خليط عاقد ونديروع في علبة بلاستكية وندخلوه للثلاجة ليلة كاملة فصباح نقدموه فكويسان مزين بشكلاط محكوك

سهام من مراكش

عصير خيزو بالفريز
www.lmaghribiya.com/vb
6 برتقال
5 حبات جزر مقطعة
2 حبات موز
2 ياغورت
سكر حسب الدوق
نخلطو كولشي ونديروه ابرد شوية


روقية من الدار البيضاء

طارت الحامض
2 بيسكوي عادي مطحون حتى اكون ملين
نزيدو عليه زبدة لي تجمع لينا لبسكوي ناخدو المول مستطيل نقادو فيه مزيان
ناخدو 4 البيضات نطربو البيض بوحدو حتى اولي فحال ثلج + 4 صفار بيض نخلطوه مع علبة حليب مركز + كاس عصير حامض ونزيدو عليه بيض البيض لي خلطنا ونخويو فوق البسكوي وندخلوها طيب فلفران
www.lmaghribiya.com/vb
مريم من اكادير

شكلاط للدهن

2 كيسان حليب غبرة
15 مربع شكلاط
2 معالق زبدة
نصف كاس ماء غليان
كان ديرو شكلاط في ماء طايب حتى كاي دوب نخلطو جميع العناصر معاه ونخلطو بطرااب مزيااان و بالصحة و الراحة

www.lmaghribiya.com/vb
وصفة منع تساقط الشعر

شوية زنجلان
زريعت الخرواع
شوية كثيرة
قطران رقيق
.ريحان
زيت العود
نشدو جميع العناصر نخليوها تغلا فزيت شوية ونحتافضو بنص ونصف التاني ممزيدو عليه القطران
الى بغينا نمشيو لحمام نشققو بنصف لي فيه القطران
و في الايام العادية نشققو شعر بنصف لي حتافضنا به

بشرى من الدار البيضاء

حرشة مسقية بالليمون

www.lmaghribiya.com/vb

3 بيضات 2 خمارات 1 فاني 3 كيسان سميدة
كاس عنبة زيت
كاس حليب
كاس سنيدة
قشور ليمونة

نخلطو كولشي ونديروها فلمول وندخلوها للفران
ناخدو كاسرونة ونديرو فيها عصير 3 ليمون + سكر ونخليوهم اغلاو شوية
غير نخرجو الحرشة نسقيو بشوية بشوية ممكن نزينوهاا بلكوك و اي حاجة حسب الاختيار

بشرى من الدار البيضاء

تنقية الصدر
www.lmaghribiya.com/vb
رابعة صغيرة سانوج
رابعة صغيرة زريعت البصلة
رابعة صغيرة نافع بستاني
4 الحبات بديان
و العسل الحر
نطحنو جميع المقادير ونديرو منهم كويرات على شكل زيتونة و نديروهم فشي بواطة
نمصوها في اللسان ديالنا يوميا قبل الفجر ومان فطرو حتى 8

كيكة

زلافة متوسطة زيت
زلافة متوسطة سنيدة
زلافة متوسطة طحين
خمارة
2 بيضات
كاس شكلاط مقطع
كاس لوز مصلوق ومطحون
قشور وعصير حامضة
زبيب حسب الاختيار
نخلطو كولشي في الخلاط الكهربائي ونديروها فمول مدهون وندخلوها للفران
www.lmaghribiya.com/vb
مهى من الدار البيضاء
حرشة

نصف كاس زبدة مدوبة
2 بيضات
2 خمارات
كاس سنيدة
قبصة ملح
نصف كيلو سميدة رقيقة
رابعة سميدة غليضة
قشور وعصير ليمونة
و كاس ماء
نشدو
نصف كاس زبدة مدوبة
2 بيضات
2 خمارات
كاس سنيدة
قبصة ملح
نصف كيلو سميدة رقيقة
و ليمونة و العصير ديالها
ونخلطهم مزياان تكون مرملة ونجمعوها بلماء ونديروها كويرات ونمرمدوها فسميدة غليظة و نديروها فلاطة مدهونة ومرشوشة بسميدة غليضة ونديروها طيب فلتحت هي الاول حتى تشقق و بالصحة و الراحة

شيماء من سطات
www.lmaghribiya.com/vb
قناع البشرة الحساسة

5 معالق عسل حر
نصف معلقة ماء ورد
نديرو فشي اناء العسل ونزيدو ماء ورد ونديروهم للوجه ديالنا نخليوه 10 دقائق وندلكو مزيان مدة 3 دقائق ونمسحو بقطن مبلل بماء ورد ونغسلو الوجه بمار دافئ

الحكة في راس
www.lmaghribiya.com/vb
2 معالق كبار من اوار الزعتر
كاس كبير ماء
نغليو زعتر في الماء مدة 10 دقائق

هند من مراكش
www.lmaghribiya.com/vb
شفط الدهون
2 معالق سالمية
2 معالق اتاي اخضر
2 معالق زعتر
2 معالق قرفة
2 معالق كامون
2 معالق زريعت الكتان
2 معالق سكنجبير
2 معالق قشور رمان
نخلطو كولشي بخل التفاح و لا عصير الحامض نديرو منو كويرات اجمدو شوية فلفريكو ومن بعد نديروهم فشي قرعة ونحتافضو بهم في ثلاجة ونبقاو ناخدو كويرة قبل كل وجبة مع كاس ماء

السلام عليكم ورحمة الله
اخواتي هنا وصفات اليووم وجميع الوصفات القديمة
فقط نسألكن الدعاااء ومرحبا بجميع المستمعات ننتظر مشاركتكن معنا بالمنتدى
باش نبينو حداكة ديال المغربيات
لي عندها شي استفسار انا رهن الاشارة
مديرة منتدى المغربية
www.lmaghribiya.com/vb
وصفات ميد راديو على برنامج لالة مولاتي ليوم 29.5.2011


عطيفة من اكادير

بطبوط بالاعشاب

250 غرام طحين فورص
250 غرام طحين حرش
معلقة صغيرة خرقوم بلدي
شوية ملح
معلقة زتعتر يابس
معلقة كروية مطحونة
معلقة صغيرة نافع
معلقة حبة حلاوة
معلقة زيت البلدية
خميرة العجينة
معلقة صغيرة سانوج
نعجن كولشي ونخليها ترتاح ونكرصوه ونخليوه اخمر ونطيبوه

لاصوص بالبطاطة

بطاطة مصلوقة و مطحونة
نصف بصلة مشلضة
2 علب طون
معدنوس
ملح
ابزار
نخلطو كولشي مزيان
اما ندهنو به ولا ناخدوه هكداك مع البطبوط و بالصحة و الراحة

كنافة بشعرية السفة
250 غرام شعرية سفة مبخرة مدهونة بزبدة
ناخدو المول نديرو فيه طبقة من ديك الشعرية
و نديرو طبقة من كريم باتسيير
نديرو اللوز مقلي مهرمش من الفوق
و نديرو طبقة اخرى من داكشي لي بقا ديال شعرية
ندخلوها للفران تحمر من الفوق
ونخرجوها نقلبوها وندخلوها طيب من جهة الخرى


سناء المهداوي من اسفي
كلاص
4 بيضات
بكية حليب خبرة
بكية كريم شونتي
2 فاني
سنيدة
نصف لتر حليب
نشريو الروح لي بغينا لوز بيستاج
نطربو الحليب مع حليب غبرة مع 4 معالق كبار سنيدة ومع كريم شونتي
ونشدو 4 بيضات نقسمو صفار على البيض
ونطربو بياض البيض مع شوية الملح و 2 معالق سنيدة و 1 فاني
ونشدو صفار البيض نطربو مع 2 معالق سنيدة و 1 فاني
و في الاخير نجمعو هاد الخليط كولشي حتى اتجمع و نقسموه على 3
و كل واحد نديرو لكل واحد روح حسب لي بغينا
التزيين حسب الاختيار

طاجين اللحم بشريحة

كيلو اللحم
2 بصلات
معلقة ص سكنجبير
ابزار
زعفرات شعرة
ربطة ربيع
قرفة عواد
ملح
شوية زيت
شوية الخرقوم
نشحرو اللحم مع العطرية و البصلة و عود القرفة
ناخدو كوكوت نغسلو شريحة نحيدو داك العود لي تاي كون في الفوق و ونقسموها على 4 ونديروها فلكوكوت مع 2 كيسان ماء ونسدو عليها مدة 15 دقيقة طيب من بعد نحلوها ونضيفو ليها معلقة قرفة و نديرو سنيدة و لا عسل ونصف كاس ليمون و 2 معالق زيت نخليو هادشي اطيب

عصير الليمون و الحامض
كيلو عصير ليمون
نصف كيلو عصير حامض
قشور ليمون
ونصف كيلو سنيدة
نديرو هاد العصير ديال الليمون و الحامض فكاسرونة و نزدو عليه قشرة الليمون و الحامض سنيدة ونديرو معاهم 2 عويدات القرفة نخليوه اغلي مزيان حتى اغلا
فاش اغلا نخليوه ابرد ونضيفو عليه معلقة ص زهر وندخلوه للثلاجة وقتما بغيناه ناخدو كاس منو نزيدو عليه 2 كيسان ديال الماء و بالصحة و الراحة

عتيقة من مراكش

عجينة بيتزا
250 غرام طحين
نصف كاس زيت البلدية
كاس ماء دافئ
شوية الملح
شوية ابزار
نصف كوزة محكوكة
شوية خميرة
نصف معلقة زعتر
نعجنو كولشي ونخليوها ترتاح


الطريقة التانية
250 غرام طحين فورص
شوية خميرة
ربع كاس حليب
2 معالق زبدة
بيضة
شوية ابزار
نخلطو كولشي ونخليوها ترتاح ونستعملوها

كيكة بلكريم كراميل

2 بيضات
كاس سنيدة
دانون فاني
كاس زيت العنبة
كاس دقيق عبار العنبة
خمارة
ناخدو كاس سنيدة نديروه فكاسرونة تكون ناشفة ونخليوها على عافية مهيلة مع تحراك حتى دوب ونخويوها فلمول عاد نخويو عجين الكيك
ونوجدو الكريمة
130 غرام حليب غبرة
كاس ونصف ماء
كاس سنيدة
4 صفار بيض
نطربو كولشي المكونات مزيان مزيان
ونكبوها فوق العجين
وندخلوها طيب فوق حمام مريم مدة 55 دقيق فاش تقرب 55 دقيق نقلوها بلموس واش طابت و نقدموها بالصحة و الراحة

كيكة بياغورت و لكركاع
1 ياغورت
3 بيضات
2 كيسان سنيدة
3 كيسان دقيق
نصف كاس زيت
150 غرام كركاع
100 تكون مطحونة مزيان و 50 غرام تكون مهرمشة نحتاجوها للتزيين
50 غرام لوز محمر ومطحون
فاني
2 خمارت الحلوة
2 معالق قشدة طرية
2 معالق عسل
ناخدو المكونات كلها نخلطوها فقط 50 غرام كركاع نخليوها للتزيين
ندهنو المول ونديرو فيه الخليط
ونزينو من الفوق بلكركاع وندخلوها للفران و بالصحة و الراحة


صفاء من الدار البيضاء

وصفة عجينة البيتزا

ياغورت مسوس
بيضة
كاس زيت العود عبار العنبة
شوية ملح و شوية ابزار و شوية الزعتر
خميرة الخبز
نخلطو كولشي عاد نزيدو الطحين حتى تجمع ونخليوها ترتاح ونستعملوها

سعاد من تزنيــت

رايب عادي
لتر حليب
2 ياغورت فاني
سكر حسب دوق
1 فاني
ناخدو نصف لتر حليب نزيدو عليه ياغورت و فاني و سنيدة
ونصف الاخر نديروه حتى اغلا ونخليوه حتى ابرد شوية ونبداو نخلطو كه نصف الاخر لي خلطنا معاه ياغورت و سنيدة و فاني نخلطو بحال الى تان بردو اتاي ونديروه فشي اناء ونخليوه نصف نهار

بيتزا

1 كاس حليب عنبة
نخويوه فلخلاط نزيدو عليه شوية خميرة خبز و 4 بيضات و 1 معلقة سنيدة و قبصة ابزار و قبصة ملح و كاس لاروب زيت نخلطو كولشي من بعد نزيدو 5 معالق دقيق و 1 كيس خميرة نخلطو كولشي غادي تكون العجينة فحال البغرير
وناخدو طاوة ديال الكيك نفرشو فيها ورق زبدة ونديرو فيها 4 فرماجات مقطعين و نخويو فوق منهم هداك الخليط
العمارة حسب لي بغينا وندخلوها للفران


نزهة من طان طان

طورطة بلخوخ
250 غرام طحين
قبصة الملح
100 غرام زبدو مربعات
2 معالق سكر كلاصي
نعجنو العجينة بزبدة و دقيق حتى ترمل ونضيفو صفار بيضة و 3 معالق ماء بارد الى ماتجمعات العجينة نزيدو معلقة اخرى ديال الماء ونجمعوها نديروها في الثلاجة 30 دقيقة ونخرجوها ونسرحوها فمول ونتقبوها بلفرشيط ونرجعوها للثلاجة بين ما نوجدو الكريمة
ناخدو 4 خوخات نديروها فماء طايب 10 تواني ونديروها فماء بارد باش تحيد لينا القشرة دغيا ونديروه شائح نخليوها على جنب
ناخدو 120 غرام لوز مصلوق و مفسوخ نطحنوه مع 2 معالق كبار طحين نخليوه على جنب
ناخدو 100 غرام زبدة نزيدو ليها 120 غرام سكر كلاصي نخدموها حتى تولي بواد نزيدو عليها بيضة و صفار بيضة و نزيدو اللوز لي طحنا و معلقة ص حامض
نخرجو طورطة نسرحو عليها لكريمة و نزينو بشرائح الخوخ ندخلوها للفران مدة 15 دقيقة ونقسو حرارة الفرن فاش طيب نخرجوها نرشوها بسكر و لا ندهنوها بنباج وندخلوها للفران 5 دقائق و بالصحة و الراحة

حلوة طونكو

رابعة زبدة
كاس صغير زيت
كاس ونصف سنيدة
3 معالق قهوة سريعة دوبان مدوبة فشوية ماء
1 فاني
2 خمارت الحلوة
نخلطو كولشي ونزيدو دقيق حتى تجمع العجينة ونقسموها على 2
قسم اكون اللون بني بارد
و قسم نزيدو عليه 2 معالق بدرة كاكاو و 2 معالق سكر كلاصي نسرحوها بلمدلك ونتقبوها بمشطة جديدة ونرشموها بكاس وندخلوها طيب فاش طيب نلصقوها بمورانك
لي فيه بياض بيضة و 200 غرام سكر كلاصي و معلقة صغيرة حامض
نطربو كولشي حتى نحصلو على مورانك ونلصقو بيه الحلوة و بالصحة و الراحة


عزيزة من الدار البيضاء

وصفة كوليسترول
رابعة اللفت + اوراق ديال الكرافس اتصلق مزيان فاش اتصلق نحكو عليه شوية زعنر ونصفيوه ونشربو من المحلول و بالشفاء

السلام عليكم ورحمة الله
اخواتي هنا وصفات اليووم وجميع الوصفات القديمة
فقط نسألكن الدعاااء ومرحبا بجميع المستمعات ننتظر مشاركتكن معنا بالمنتدى
باش نبينو حداكة ديال المغربيات
لي عندها شي استفسار انا رهن الاشارة
مديرة منتدى المغربية
www.lmaghribiya.com/vb
وصفات ميد راديو على برنامج لالة مولاتي ليوم 31.5.2011

خديجة ام ايمان من راشيدية


ليكوفخي

نصف لتر حليب
3 بيضات
قشور حامضة محكوكة
3 معالق سنيدة
3 معالق زيت
250 غرام طحين فورص
نخلطو كولشي و في الخلاط ونخليوه ارتاح 5 دقايق
نشعو على الة ليكوفخي ونبداو نطيبو و بالصحة و الراحة


كيكة بلكركاع و شكلاط

5 البيضات
زلافة مخلطة بلكركاع و ثمر مقطع
رابعة زبدة نباتية
كاس سنيدة
2 خمارات حمرين
بكية شكلاط غبرة
زلافة طحين
نخدمو زبدة و طحين حتى اترمل ونزيدو عليه بقية العناصر ونخليو البيض هو الاخير وندهنو المول ونكبو الخليط ونخليوه مابين 20 حتال 30 دقيقة و بالصحة و الراحة

حلوة بانيني

رابعة زبدة
4 بيضات
1 فاني
1 خماراة
2 كيسان سنيدة
طحين حسب الخليط تكون مرخوفة ونطيبوها في الالة ديال ليكوفخي
كل قليب نكبو فيه معلقة ونسدو عليها

مجيدة ام سناء من الرباط

وصفة ليكيس

ناخدو دغموس من عند العطار نغسلوه ونطحنوه وناخدوه مع الحليب في الصباح على ريق


فقاص بلكونفتير
4 بيضات
زلافة زيت
زلافة سنيدة ناقصة
2 خمارات
1 فاني
طحين حسب الخليط
نجمعو الخليط ونديروه كويرات ونتلقوه بلمدلك
ناخدو كونفتير ديال المشماش
ونسرحوه فوق العجينة ونلويو على شكل رولو ونشرطوه بلفرشيط
وندهنو لاطة بزيت و طحين ونحطو الفقاص اطيب في الفران نصف طيب فاش اطيب غان نلويوه فزيت و ندخلوه للثلاجة من بعد نقطعوه وندخلوه اطيب و بالصحة و الراحة

نزهة طنطان

رغايف
نصف كيلو طحين
بيضة
1 ياغورت بنان
نصف خميرة الحلوة
1 فاني
معلقة كبيرة زبدة
نخلطو كولشي بشوية الماءحتى تجمع وندلكوها مزيان نديروها كويران ونورقوها بحال شكل ديال المسمن تكون مربعة حتى نكملو جميع الرغايف اكونو مربعات ناخدو وحدة بوحدة ونجمعو جنب مع جنب على شكل مثلت ونقليوها فزيت طيب من 2 جيهات
نخليوها تسقطر فاش تسقطر نعمرو هديك لبلاصة لي محلول بلكريم باتسيير ونرشو اللوز مهرمش ونفندوها في سكر كلاصي

كريمة

رابعة شكلاط اسود نزيدو ليه 200 غرام زبدة و 2 معالق بودرة كاكاو ندوبوهم على حمام مريم فاش ادوبو اما نطربوهم بالطراب و لا نديروهم في مولينيكس وحنا تان طربو وحنا تان زيدو حليب مركز موحلى ونديروه في ثلاجة ونستعملوه اما ندهنو به الحلوة و لا لكريب لي بغينا

زينب من الدار البيضاء

اللحم مبخر

ناخدو اللحم ونديروه فكوكوت نزيدو عليه 3 حبات قرنفل و عود قرفة و رقة سيدنا موسى شوية القزبور و ربطة المعدنوس نربطوها ونديروها ايضا شوية زعفران و شوية ملون بصلة مشلضة و رويس سمن حار شوية ابزار و شوية ملح و 2 كيسان ماء على حسب اللحم لي درنا نسدو عليه ونخليوه اطيب فاش اطيب ممكن ندهنوه بسمن و ندخلوه للفران ونرافقوه مع ديك المرقة

بطاطة مصلوقة مقلية مع طون

3 بطاطات مصلوقين شوية ملح شوية ابزار تومة شوية زعتر و المعدنوس بعد ما نطحنوها نزيدو عليها هاد العناصر ونزيدو طون بلا زيت ونحكو واحد الحامضة ناخدو ديك البطاطة نجمعو كولشي ونشكلوها على شكل صبيعات ون دوزوها في دقيق ثم البيض ثم شابلوغ ونقليوها في الزيت و بالصحة وو الراحة



حليمة من الدار البيضاء

بريوش باللوز ايفيلي
نصف كيلو فورص
40 غرام سنيدة
50 غرام حليب سائل
40 غرام خميرة خبز
100 غرام زبدة
4 بيضات
ملح حسب الدوق
نخلطو كولشي هادشي وناخدو كويغطات كبااار شوية وناخدو شوية ونديرو وسط منو شكلاط ونحطوه فلكويغطات ونخليوه اخمر وندهنوه بالبيض و القهوة سريعة دوبان ندخلوهم اطيبو فاش نخرجوهم ندهنوهم اما بالعسل و لا نباج ونزينوهم بلوز ايفيلي و بالصحة و الراحة

نجاة من تمارة

وصفة الحد من مغص المعدة

ناخدو الحلبة و زعيترة و شيح نغسلو المكونات ونخليوهم انشفو مزيان وندقو كل مكون بوحدو ونغربلو الشيح و زعيتر ونخلطوهم فشي قرعة ونبقاو ناخدو معلقة مع الماء الى ضراتنا المعدة

وصفة الضيقة

حبة السوداء
عرقسوس
بابونج
نافع
نشدو الحبة السوداء نغسلوها ونشفوها مزياان
عرقسوس نمسحوه مزيان و نسخنوه فوق البوطة باش امكن لينا نددقوه
البابونج نسخنوه ونقوه
و ايضا نافع نخنوه وندقوه
ندقو كل عنصر بوحدو ونديرو كل واحد فقرعة
و في الصباح ناخدو نصف معلقة حبة سوداء و معلقة عرقسوس و معلقة بابونج و معلقة نافع ونتبخوهم مع كاس ماء ونصفيوهم ونشربوه بحال اتاي
ناخدوه مدة 15 اليوم في الصباح و العشية و بالشفاء

عواطف من القصر الكبير

وصفة النقط البيضاء تحت العينين
معلقة زيت الكلسرين
معلقة عصير حامضة
معلقة ريحة الاططفال
نخلطو كولشي ونديروه ماسك للوجه بالليل و نغسلو الصباح ونديرو على شكل كوماج

وصفة للقمل
ماء الخيار و الفجل
ونغليو الفجل و ماء الخيار ونبقاو نغسلو بيه الشعر ديالنا

وصفة الكرص في لكوكوط
كيلو لاروب طحين
1 بيضة
كاس زيت
2 كيسان سكر سنيدة
خميرة حمراء
نخلطو كولشي فلكوكت بماء دافي مع شوية خميرة دار نخليوها جارية شوية ونغطيو لكوكت ونديرو ليها سفار ونخليوها شوية نشعلو الفران وناخدو لاطة ونبقاو نحطو فيها الكرص ديالنا وندهنوهم بالبيض ونندردرو زنجلان ونعاودو من فوقهم البيض وندخلوهم للفران و بالصحة و الراحة

سناء من الدار البيضاء

باش نلمعو سدادر ديال العود نمسحوهم بكريم اليدين تاي لمعو بيه

بالنسبة للشنولة القرعة نديرو فيها الماء و خل التفاح و شبة مطحونة ونبقاو نرشو بالبخاخ

بالنسبة للقمل ناخدو حبت حلاوة نخلطوها مع زيت العود ونبقاو ندهنو البنت الشعر


حرشة نصف كيلو سميدة رقيقة
نصف لتر حليب
ياغورت فاني
كاس سنيدة
2 معالق زبدة
2 خمارات
100 غرام كوك
نخلطو كولشي وندهنو المقلة ونرشو بسميدة ونكبو الخليط وندخلوها طيب و بالصحة و الراحة

السلام عليكم ورحمة الله
اخواتي هنا وصفات اليووم وجميع الوصفات القديمة
فقط نسألكن الدعاااء ومرحبا بجميع المستمعات ننتظر مشاركتكن معنا بالمنتدى
باش نبينو حداكة ديال المغربيات
لي عندها شي استفسار انا رهن الاشارة
مديرة منتدى المغربية
www.lmaghribiya.com/vb
وصفات ميد راديو على برنامج لالة مولاتي ليوم 2.6.2011

شهيوات ميد

كيكة بزبيب و لكركاع
8 بيضات250 غرام سنيدة
250 غرام كركاع مطحون
250 غرام زبيب مطحون
2 خمارت
250 غرام طحين
معلقة صغيرة قرفة
معلقة صغيرة سكنجبير
معلقة صغيرة قهوة سريعةدوبان
2 كيسان زيت العنبة
التزيين 100 غرام شكلاط اسود و حبات كركاع

في اناء نطربو 8 بيضات مع سنيدة و 2 كيسان زيت و حنا تان طربو نزيدو زبيب و كركاع و نخلطو ونزيدو 2 خمارت ونسمو بالقرفة و سكنجبير و قهوة سريعة دوبان ونطربو مزيان عاد نضيفو طحين حتى تجمع عناصر الكيك ونديروها فمول مربع مدهون ومرشوش بدقيق و ندخلوها طيب ونخرجوها نخليوها تبرد وندوبو شكلاط ونكبوه على وجه الكيك ونزينو بلكركاع

صلصة الميونيز
- 2 بيضات اكون خارج من ثلاجة من قبل
شوية ملح
معلقة خل
كاس كبير زيت
في الخلاط نطربو 2 بيضات
مع معلقة خل مع شوية ملح مع معلقة زيت نطربو شوية في الخلاط ومن بعد نبقاو نضيفو تدريجيا زيت حتى تعقاد ونديروها في قرعة وندخلوها للثلاجة

صلصة المايونيز بالبيض

صفار بيضة
4 ضروس تومة مدقوقة
شوية ملح و ابزار
معلقة كبير عصير حامض
كاس كبير زيت
معلقة صغيرة ماء سخون
كان طربو صفار البيضة مع شوية ملح و ابزار و تومة و نزيدو عصير حامض وحنا تان طربو نزيدو معلقة ماء سخون و معلقة زيت ونطربو مزيان ونبقاو نزيدو الزيت تدريجيا حتى تعقاد ونديروها فقرعة وندخلوها للثلاجة





عتيقة من مراكش

تبريمات

كاس ياغورت مسوس
2 معالق عسل حر
3 معالق نشا
3 معالق حليب غبرة
2 معالق خل التفاح
ربع كاس حلبة مطحونة
ربع كاس فل مطحون
ربع كاس عدس مطحون
3 معالق زيت الزيتون
2 عصير حامضات
نجمعوه و نديروه كوماج للجسم

تبريمة 2

كاس زيت زيتون و لا زين اللوز
ناخدو قشرة ليمونة
عصير حامضة مع القشرة ديالها
ربع كاس خرطال
نطحنو قشور الليمون و الحامض و نخلطوها مع زيت و الخرطال وندهنو بها الجسم و نديرو كوماج

ازالة الشعر الزائد في الوجه

2 معالق حليب غبرة
عصير نصف حامضة
نخلطو كولشي ونديروه للوجه حتى انشوف ونديرو كوماج بحركات دائرية

فاطمة من اكادير

صابلي بلفرماج مربع

رابعة زبدة عادية
4 الفرماجات مربعين
شوية ملح
طحين حسب الخليط
نجمعو الخليط وندلكوه فوق شي طبلة ونقطعوه بطابع دميلجة اكون متقب من الوسط
وندخلوها للفران
باش طيب نغطسوها في شكلاط كحل وندوقوها بخطوط من شكلاط الاسود و فاش تنشف نزوقوها بشكلاط ابيض

سميرة من الدار البيضاء

وصفة فقر الدم

عصير بربا
عصير خيزو
شوية معدنو
و اي نوع من الفواكه الجافة / زبيب او اللوز او كركاع او ثمر /
نطحنو كولشي ونزيدو سكر حسب الدوق

وصفة مغص في المعدة

100 غرام نافع مطحون
100 غرام حلبة مطحونة
100 غرام قشور الرمان مطحون
100 غرام عرقسوس مطحون
50 غرام زعتر
اتخلطو كولشي بالعسل الحر
نديروهم كويرات وناخدوهم قبل الاكل مدة 40 يوم
و ضروري الابتعاد عن القطاني و المقلي و المشروبات الغازية

مريم زوهار من اسفي

كيكة
3 بيضات
كاس حليب
كاس زيت
كاس سميدة رقيقة
كاس كوك
كاس سنيدة
فاني
1 خمارة
نخلطو كولشي في الخلاط وناخدو لمول وندهنوه ونرشوه ونخويو فيه الخليط ندخلوها طيب فاش نخرجوها ندهنوها بالعسل و نرشوها بلكوك و بالصحة و الراحة

عصير
نصف لتر حليب
4 الحبات مصلوقات
بنانة
فرماجة مربعة
سنيدة حسب الدوق
نخلطو كولشي وندخلوه للثلاجة و بالصحة و الراحة

شكلاط للدهن

بكية بسكوي عادي ديال 2 دراهم
30 قطعة شكلاط اسود
ملعقة قهوة سريعة دوبان
كاس حليب
ندوبو شكلاط مع الحليب
نخويوهفي الخلاط ونزيدو عليه البسكوي
و القهوة سريعة دوبان ونخلطو كولشيونكبوه في قرعة وندخلوه للثلاجة و بالصحة و الراحة

حجيلة من المحاميد الغزلان

تبريمة للوجه ازالة النقطة السوداء

2 معالق حليب غبرة
2 فرماجات مربعين
قهوة سريعة دوبان
نخلطو بماء زهر و لا ماء ورد ونديروه للوجه مدة 15 دقيقة ونبقاو نبرمو و نديرو الماسك مدة 3 في الاسبوع

مربى

5 كيلو من ثمر شوية قاسح نقويه ونحيدو ليه العلف ونكرضوه وناخدو نصلقوه ونصفيوه ونعصروه فشي توب حياتي و ديك العصارة هي لي تان بقاو نقدمو مع روز و في اي وقت بغينا

وفاء من الدار البيضاء

بريوش

كيلو لاروب فورص
كاس وربع زيت
كاس وربع سنيدة
2 خمارت
شوية خميرة عجينة
نصف لتر حليب دافئ
كيس فاني
شوية ملح
نجمعو الخليط ونخليوها نصف ساعة تخمر فاش تخمر ندويها ونجيبوها فطاوة و عاد نشدوها نديروها كويرات نشدو طاوة تطون شوية صغيرة ندهنوها بزبدة وقيق نبقاو نكورو ونححطو ونخليوها تخمر وندهنوها بالبيض وندخلوها طيب فاش تقرب طيب نوجو سيرو فيه سنيدة و الماء و كيس فاني فاش تخرج نسقيوها بسيرو

السلام عليكم ورحمة الله
اخواتي هنا وصفات اليووم وجميع الوصفات القديمة
فقط نسألكن الدعاااء ومرحبا بجميع المستمعات ننتظر مشاركتكن معنا بالمنتدى
باش نبينو حداكة ديال المغربيات
لي عندها شي استفسار انا رهن الاشارة
مديرة منتدى المغربية
www.lmaghribiya.com/vb
وصفات ميد راديو على برنامج لالة مولاتي ليوم 5/06/2011


سلوى من مراكش

بريوش بيتزا

قياس فورص لي بغينا
كاس حليب كبير
معلقة زبدة
خميرة معجونة
ملح
شوية زعتر
نعجنو العجينة عادي وندلكوها ونديرو منها خويرات
ناخدو مول مدهون ونستفو فيه الكويرات ونخليوهم ارتاحو
ناخدو مطيشة الحك 3 معالق تقريبا نديروها فمقلة نزيدوها شوية ماء و ملح و ابزار و سكر ونخليوها تغلا شوية نزيدو شوية زيت العود ونخويوها فوق دوك الكويرات ونكونو موجدين حتى البصلة
ناخدو البصلة مشلضة ومحمرة في المقلة مع شوية زيت وملح و ابزار نخويوها من فوق مطيشة حتى هي
ناخدو كاشير نحكةه حتى هو من الفوق و ناخدو طون نديروه حتى هو و نخليوها تخمر شوية وندخلوها طيب بعد ما رشينا بشوية زيت البلدية وندخلوها طيب فاش تقرب طيب نخرجوها وندردرو عليها شوية الفرماج محكوك و بالصحة و الراحة

بسطيلة بدجاج و الفرماج

ناخدو دجاجة القياس لي بغينا تقطع قطع صغيرة ونصبوها نصاب عادي بحال الى غادي نطيبو دجاج مع شرمولة و البصلة
نقطعو البصلة ونديرو سكنجبير و لبزار و قبيطة قزبر و زيت رومية و بلدية و نزيدو شوة الماء نخليوها طيب فاش نحسو بالقطع طابو ديال دجاج ناخدوهم ونخليو البصلة كا تشحر حتى تنشف فاشتنشف نضيفو ليها دجاج لي فرتتنا نضيفوه لديك البصلة حتى ياخود شوية لدة البصلة نخليوها على جنب تبرد شوية
ناخدو وراق البسطيلة نستفوهم فمول عادي ونديرو الفرشة الاولى ديال دجاج ودغميرة من بعد نزيدو تفريشة ديال فرماج كاري سندويتش نديرو تفريشة منو ونسدو عادي وندهنو الوجه ديال البسطيلة وندخلوها طيب فاش طيب نحكو عليها الفرماج وندخلوها تاخد شوية اللون ونخرجوها ونزينو حسب الرغبة و بالصحة و الراحة

سعاد من تزنيت

بسطيلة بشعرية ديال سفة

كيلو لاروب شعرية مفورة ديال سفة ديك رقيقة مفورة و مرشوشة بالحليب ماشي الماء في الاخير نديرو فيها معلقة زبدة و القرفة و شوية سكر نخليوها على جنب ناخدو دجاجة نصبوها نصيب البسطيلة و شوية زعفران حر و ليبزار و ملح و شوية زيت و 2 كيلو بصلة مقطعة مشنفة و شوية معدنوس نشحروها ونزيدو عليها ديك 2 كيلو بصلة لي شنفنا نخليوها حتى طيب ونهزوها نخليوها حتى تبرد ونقطعوها طريفات ونفرتتوها ناخدو ديك دغميرة نبقاو نحركو فيها بمعلقة خشبية و نخليوها تختار مزياان ونزيدو عليها 3 معالق سكر و نزيدو شوية القرفة حتى توقف تولي قهوية
و عدنا نصف كيلو اللوز نصف ديالو مطحون مع مسكة حرة و شوية سكر و زبدة دايبة ونخليوه على جنب
شعرية لي فورنا ناخدوها ونخدو 7 بيضات نطربوهم ونخلطوم مع شعرية
ناخدو لمول ونفرشو ورق اليمينيوم ونفرشو من فوقو ورق الزبدة و نخويو نصف من شعرية ديال السفة نصاوبوها بحال الى درنا ورقة البسطيلة نطلعوها شوية من جناب ونخويو دغميرة ونزيدو من فوق دجاج ومن فوق دجاج نخويو الباقي من الشعرية نقاد كولشي مزيان ونغطيوها وندخلوها طيب فاش نحسوبها طابت نعريو عليها الوجه نخليوها تحمر

بريوات بشعرية صينية

ناخدو القيمرون اتشحر مع معلقة زبدة ونصفيوه لحقاش كاي طلق الماء وداك الماء غادي نحتاجوه هو فاش غادي نصلقو شعرية بعد ما نزيدو عليه كاس ماء ديال العنبة باش تطلق تة القمرون
ناخدو نصف حامضية مصيرة نقطعوها رقيقة مزيان
ناخدو كاس عنبة ديال زيتون بلا عضم
2 معالق ديال المعدنوس
شوية ابزار
شوية تحميرة حارة
معلقة هريسة
معلقة زبدة ناخدو كولشي هادشي نديروه في اناء ونخلطوه مع القمرون و شعرية صينية و كاس الفرماج
ناخدو الورقة نخدو شوية من الحشوة ومن فوق الحشوة نديرو الفرماج ونبقاو نلفو نطيبوها في الفران و بالصحة و الراحة

لطيفة من الدار البيضاء

دجاج المناسبات

فغسيل الدجاج نغسلووه ونقيوه من شحمة ونحكوه مزيان بلملح فاش نكملو العدد ديال الدجاج نغسلوه ونجيبو بانيو نديرو فيه دجاج و نحكو فيه الحمامض في الحكاكة الغليضة بالقشرة بكولشي ونجيبو طريفات البصلة و الخل و الملح و عود سكنجبير نحكوكه ونبقاو نفركو حتى نشوفو داك دجاج بياض ونبقاو نفركو ونغسلو
في الاخير نمرمدوه فدقيق حتى نكمول كاع دجاجات نخليوه شويةعاد نشلوه ونخلليوه اتسقطر ونحضرو ليقامة ديالو فيها
قزبور ومعدنوس و تومة و ليبزار ابيض و اسود و سكنجبير و بسيبيسة و خرقوم بلدي و زعفران و لبلبة حامض ولحامض معصر شوية سنيدة و سمن نخلطو هادشي كامل فشي اناء ونمرمدو داك دجاج مزيان فديك ليقامة دخل ليه ونربطو دجاجات نديرو في طنجرة على الصدر دياو و نعصرو من الفوق الحامض ونبيتوه ونخليوها حتال صباح فاش نبغيون نصبوه نشعلو عليه حتى اتقلا عاد نزيدو البصلة و زيت مروزية و البلدية ونبقاو نتقبوه مرة مرة فاش اطيب هزوه نحيدوه نخليوه حتى ابرد شوية عاد نحيدو ليه الخليط ونخليوه في لاطة
نمشيو للطنجرة لي درنا فيها المرقة كا طيب
غادي تكون عدنا البصلة مشلضة مضحرة في زبدة عاد نديروها في المرقة ونزيدو قشيوشات دجاج و زيتون و الحامض اكون طايبين بوحدهم و ناخدو كاسرونة نديرو فيها شوية عسل و سمن و زعفران ونسخنوه على العافية شوية وندهنو بها دجاج
وندخلوه اطيب فاش اطيب نقدموه مع لمريقة ومزين بزيتون و الحامض و بالصحة و الراحة

غزلان من طنطان

البسبوسة

نطربو باليد 4 البيضات
زلافة قل سكر سنيدة
زلافة لاروب زيت
كاس حليب عنبة
قبصة ملح
معلقة كبير مرقة
زلافة كبيرة اللوزمطحون بالقشرة
زلافة سميدة رقيقة
3 خمارت
شوية القرفة
نخلطو كولشي ونديروها فمول مدهون مربع ونكبوها وندخلوها للفران ونخرجوها نسقيوها بالعسل مع ماء زهر وناخدو شوية اللوز مهرمش نرشوه من الفوق عاد نقطعوها مربعان و بالصحة و الراحة الى مكانش العسل نديرو الماء و سكر سنيدة

شلاظة بلمقارونية مرولية
زلافة المقارونية نصلقوها مع شوية ملح و شوية زبدة وورق سيدنا موسى حتى تصلق نصفيوها ونخليوها تبرد ونزيدو معها خيزو محكوك و كروفيت مشحر مع شوية زبدة و زيتوناسود مقطع و الخس مخلطع و طون و الفرماج لي عندك وتقدميها مع مايونيز

مايونيز فيها
بطاطة مصلوقة مع تومة حتى تصلق مزيان مزيان ونخلطوها مع صفار بيضة مع زيت
نخلطوها مع شلاظة كات جي زوينة

ام مهدي من اكادير

نصائح
- الى بغينا نقليو الحوت بدل مان نوسخو ايدينا بدقيق ....ناخدو غير بلاستيكا نديرو فيها تحمميرة ودقيق و ننخلطو فديك البلاستيكة حتى اتخلط نهزو نسوسو ونقليوه مباشرة
- داك طحين لي بقا لينا من قلي ديال الحوت نديروه فبلاستيكة وندخلوك لكونجيلاتوغ وفاش نبغيو نستعملوه نجبدوه ونستعملوه

عطيفة من اكادير

كيكة القرفة و ثمر

كاس ثمر مقطع
كاس وربع طحين
نصف كاس سنيدة
3 بيضات
نصف كاس زيت
1 خمارة
نصف معلقة بيكارونات صودا
شوية ملح
كاس حليب
ربع كاس ماء سخون
معلقة ص قرفة
نخلطو المواد الجافة لي هي طحين و الملح و الخمارة و بيكاربونات و القرفة
و في الخلاط نديرو الحليب و ماء سخون وثمر نخلطو مزيان حتى انساجمو عادنزيدو البيض و سكر و زيت نخلطو كولشي
في اناء ندير داك طحين نزيدو عليه المواد الاخرى لي طربنا ونخلطو بملعقة خشبية و من بعد نزيدو كاس الكركاع مهرمش ونديروه في مول مدهون ندخلوها للفران درجة الحرارة 180 حتى تحمر من التحت عاد من الفوق فاش نخرجوها نعملو ليها
كاس سنيدة فوق العافية حتى اتحمر نزيدو عليه قطعة زبدة و نحركو ونزيدو عليه لاكريم فريش مع تحراك باش ماي قساح لينا خصنا نحركو ونخويوه على الكيكة ونديرو الكركاع من الفوق و بالصحة و الراحة

نعيمة من جديدة

شنيك بلاكريم
رابعة ديال الفورص
نصف رابعة زبدة
معلقة خميرة الخبز
شوية ملح
ربع كاس سكر
3 بيضات
رابعة الحليب
ناخدو طحين نزيدو عليه خميرة مدوبة مع شوية حليب نزيدو عليه ملح و سكر و الحليب حتى نجمعوها تكون مخوفة شوفة نقسموها على 3
1 نديرو معاه زبدة ونبقاو نمعكو وحنا تان ززيدو في العجينة حتى تدخل الزبدة فجميع العجينة نحصلو على عجينة داخلة فيها زبدة
نحضرو لاكريم
فيها بيضة كاملة و كاس سكر نطربوهم بطراب ونزيدو فاني و 2 معالق دقيق ونخلطو ونزيدو ربع لتر حليب اكون سخون ونديروه على نار مهيلة حتى تعقاد ونخليوه حتى ابرد ونطلقو العجينة ديالنا ونسرحو لكريم وندردرو الفواكه المعسلة و زبيب ونلويو بحال رولو و نديروها في فريكو ونخليوه حتى تجمع راسها ونخرجوها نقطعوها دوائر و نديروها في لاطة نخليوها ترتاح وندهوها بالبيض و القهوة سريعة دوبان وندخلوه اطيب و بالصحة و الراحة

مريم من سلا جديدة

تبيض الوجه
معلقة عصير فجل
معلقة فرارة اللبن
معلقة صغيرة عصير حامض
نخلطو كولشي نغسلو الوجه قبل الماسك نعملوه 20 دقيقة

وصفة تجاعيد
البابوش نشدو غير لحيمة ديالها وندكوها مزيان ونغسلو الوجه ديالنا ونديروها للوجه ونسترخاو نخليوها 20 دقيقة ونغسلو الوجه

عصير

3 ليمونات
حامضة
نشدو 3 ليمونات نقشروهم ونحيدو ليهم العضم و الحامضة تكون القشرة صفرة ونقسموها بلقشرة ديالها ونحيدو ليها العضم ونديروه في الخلاط مع لتر ماء و سنيدة حسب الدوق نطحنوه ونصفيوه ونخليوه ابرد و بالصحة و الراحة

ليلى ام ياسين من الدار البيضاء

طاجين باللحم الغنمي و القيم و الملوخية
نصف كيلو اللحم غنمي
نصف كيلو اللقيم هو سفرجل الصغيور
رابعة الملوخية
2 بصلات وخدة مقطعة على نصف وحدة مقطعة طويلة
شوية معدنوس
3 ضروس تومة
شوية ابزار
سكنجبير
خرقوم بلدي
زعفران حر
زيت المائدة و زيت العود
نحطو اللحم في طاجين نزيدو عليه البصلة وتومة ونزيدو عليه باقي التوابل و كاس ديال الماء ونخلوه اتشحر مزيان مزيان ونزيدو عليه اللقيم و البصلة لي قطعنها طويلة نخليوه اطيب على نار مهيلة ومن بعد نزيدو عليه 2 كيسان ماء
ناخدو الملوخية بعد ما غسلناها نديروها فوق و نخليوه اطيب و بالصحة و الراحة

سلطة خفيفة
جزر محكوك
تفاحة مقطع مكعبات
ناخدو قزبور كارم نديروه مع شوية زيت العود و عصير حامض ونخلطو بيه الجز و تفاح

وصفة زيادة في الارداف

حلبة مطحونة مع خميرة الخبز كمية متساوية نجمعو هادشي بزيت العود تولي بحال شي كريمة وندهنو بها الارداف مع دلك ونخليوها تكرم ونبقاو مستمرين على الوصفة مدة شهر شهرين باش تعطي نتيجة

ديسير بالحامض

2 كيسان حليب
2 صفار بيض
2 معالق دنشا
2 حامضات صغار
2 معالق سنيدة
3 بكيات بسكوي عادي
ناخدو الحليب على نار مهيلة نزيدو صفار بيض و سنيدة و نشا و عصير حامض مع تحراك حتى اتقال
ناخدو زلايف ديال فلان نديرو طبقة بسكوي مفرتت ونديرو طبقة ديال لكريمة ونزينو بورق نعناع ونحكو شوية بسكوي من الفوق وي تقدم بارد بالصحة و الراحة

وصفة ازالة الحبوب من الظهر

دائما مكان الحبوب نمسحوه بماء نيترون
2 معالق حنة مطحونة على اليد
2 معالق شيح مطحون على اليد
و 2 معالق حلبة
نجمعوه بماء ورد
وندهنو به الظهر
ومن بعد كل استحمام نغسلو بماء زعتر

خديجة فم زكيلد

وصفة شيب

3 دراهم تكاوت
كاس زيت العود
حنة وراق
2 دراهم حديدة حمراء
نقليو تكاوت فزيت وندقوها ونغليو الحنة في الماء وناخجو غير الماء ديالها
ندقو الحديد الحمراء نخلطو كولشي ونديروها 7 ساعات ونديروها مرة في الاسبوع


باش مان رميو العلف ديال ثمر

نحمروه مزيان وندقوه مزيان ونستعملوه بحال شكل قهوة

حرير الكبال هداك مان رميوهش مزيان للجهاز الهضمي و حجر الكلاوي تاي فررتو

النخالة مزيان للمعدة و المصران
ناخدو نخالة رقيقة نحمروها شوية في مقلة ونديروها فياغورت وناكلوه مزيانة للمعدة

قشور البيض البلدي ندقوه ونبقاو نستعملو في وصفات تصفية الوجه و البشرة

وصفة تبول الاطفال
ناخدو قشور البيض البلدي اتحمص وي تدق ونحلطوه مع العسل العر وي بقا ياخود معلقة في الصباح و في الليل قبل النوم

بالنسبة للشحة دجاج الغليضة نستعملوها في تشقق القدمين
ناخدو زيت تسخن ونضيفو عليها شحمة ونبقاو ندهنو بها القدمين

قشور الرمان مزيان للمعدة و صباغة الشعر الاشقر

عضم زيتون مزيان تاي قوي الحجاب اتحرق مزيان وي تدق وي تخلط مع زيت الخرواء وبقاو نستعملو على شكل ماسكارا

وصفات ميد رايو على برنامج لالة مولاتي ليوم 7/6/2011

كوثر من مراكش

دجاج مشوي
ناخدو دجاج نغسلوه مزيان نديروه في ثلاجة ابات ليلة
نشدولغد ليه نديروه مع موطارد و زعتر و ابزار و 3 ضروس تومة و كامون و سكنجبير و ملح و شوية زيت و الحامض و قزبور ومعدنوش نشرملو كولشي مزيان ونخليه 15 دقيقة في ثلاجة من بعد نجبدوها ونشويوها و بالصحة و الراحة

رجـــاء من مراكش

وصفة تبيض الاسنان
معلقة حامض
نصف معلقة ملح
نخلطوهم ونفركو بلقطن الاسنان

وصفة تبيض المناطق سوداء
معلقة نشا
2 معالق عصير حامض
نغسلو المناطق لي بغينا نبيضو ومن بعد ندهنو بهاد الخليط ونخليوه حتى انشف ونكوميوه

وصفة تبيض الوجه
معلقة دقيق الفورص
معلقة نخالة
نخلطوهم بماء الورد ونعملوه للوجه 15 دقيق نغسلو الوجه بماء ورد وماء دافئ

وصفة تخفيف من البطن
شوية قرفة عواد
شوية نافع بلدي
شوية زعتر
نغليوه في ماء نصفيوه وكل صباح ناخدو كاس ونديرو الباقي في ثلاجة

وصفة ازالة الرؤوس السوداء
معلقة زيت العود
شوية عصير حامض
ملعقة الحامض
نديروه كوماج ونبقاو نفركو الوجه

وصفة تشقق القدمين
طالك الاطفال و فازلين نخلطوهم ونديروهم ونلبو التقاشر و في صباح نغسلو ونلبسو تقاشر

وصفة تبيض الوجه
معلقة حليب غبرة
معلقة الروز مطحون
شوية حامض وماء ورد
نخلطو كولشي ونديروه للوجه و نغسلو

نعيــمة من بوسكوورة

بطبوط معمر بلبطاطا
نصف كيلو قمح
رابعة الفورص
معلقة ص خميرة الخبز
معلقة ك زيت
معلقة سنيدة
ملح
نجمعوه بماء دافئ ونديروه كويرات ونخليوها ترتاح
نوجدو الحشوة فيها
بطاطة مصلوقة مقطعة رهيفة
3 البصلات نشحروهم مع زيت فاش تنزل البصلة نزيدو 4 الفرماجات وناخدو فلفلة حارة وتحميرة و شوية ابزار و كامون و ملح نخلطوه ونزيدو معاه البطاطة ونخلطو كولشي
ناخدو كويرة من العجين نبسطوها شوية ومن بعد نديرو شوية من الحشوة ونجمعو الكويرة ونخليوها ترتاح حتى نكملو جميع الكويرات و نبداو نكرصو شوية ونحطوها في المقلة و بالصحة و الراحة

محينشات مالحين
كيلو الفورص
50 غرام زبدة مدوبة
خمارة الحلوى
معلقة خميرة الخبز
ماء دافئ للعجين
نعجنوها وندلكوها مزيان ونخليوها ترتاح
بالنسبة للحشوة ناخدو 2 بصلات مشلضين ننشحروهم ونزيدو عليهم فلفلة حمراء و خضراء مقطعين و الكفتة و زيت و توابل و 2 خيزويات محكوكين نبقاو نحركو حتى تشحر الحشوة ونطفيو عليها ونخليوها تبرد من بعد
نورقوكويرة من العجين ونديرو الحشوة على شكل الطول ونليويو على شكل محينشة و ندهنوهم بالبيض وندخلوهم للفران و بالصحة و الراحة

سفة بسميد
ناخدو سميدة بلا مان سكسكسوه نفوروه عادي 4 الخطرات
تفويرة الاخيرة نزيدو عليها رابعة الكوك و حليب مسوس و نفوروها و في الاخير نديرو ليه زبدة و سكر ونزوقو كيف بغينا و بالصحة و الراحة


الحاجة زهراء من مراكش

طاجين بلبرانية
كيلو اللحم
4 ضروس توم مدقوقين
ابزار
سكنجبير
كامون
زعفران زغبة
ملون
ملح حسب الدوق
كاس عنبة زيت بلدية و رومية
نخلطو اللحم مع توابل ونخليوها تشحر مع اللحم مزيان
ناخدو كيلو ونصف دنجال غليض
نقطعوه دوائر ونديروه في ماء وملح ناخدو رويسات دنجال نرميوهم مع اللحم
نقليو الدنجال ونصفيوه من زيت ونديروه في اناء غارق ونبقاو نمعكوه بمعلقة ونضيفو ليه معلقة سمن حلو كبير و معلقة كبيرة كامون و 4 معالق كبار خل و تان ديرو فوق ناء ونبقا نحرك حتى تجانس العناصر
نديرو الطبق فيه اللحم بعد ما طاب ونستفو البرانية من الفوق و ناخدو رويسات دنجال ونزوقو بهم

سقلة العرييسات *تبريمة*
2 دراهم حمص مطحون
2 دراهم فول بلدي مطحون
درهم حلبة مطحونة
5 دراهم زبد البحر مدقوق
2 ودعات مدقوقين
معلقة عكر فاسي حر
قطعة بديع حر مدقوقة مزيان
نخلطو كولشي ونضيفو ليهم 10 بيضات بلديين بلقشور وكولشي ونبقاو نخلطو مزيان حتى تجانس ونديروه في اناء ونخليو ايبس في الظل حيت تاي كرم نهز وندقوه في المهراز اولي فحال طحين
نبقاو نهزو منو مقدار نخلطو اما بالحامص الى كانت البشرة دهنية
الى كانت البشرة عادية نخلطو بالحليب كان دييروه للوجه و العنق نهار اه ونهار لا نغسلو الوجه بماء دافئ تم ماء بارد
نهار نبغي نمشي لحمام في الاخير ناخدو سطل ماء طايب وداك البخار نلقي ليه الوجه ديالي ونحاول نحكو الوجه غير باليد يجب المداومة على الماسك باش اعطي نتيجة

نصيحة الامساك
ناخدو باربة نمتوسطة نقيوها ونغسلوها ونحكوها بلحكاكة و لا نخلطوها في مولينيكس مع كاس الماء قبل ما نعس نشرب الكاس دلباربا

زوبيدة شافعي من الرباط

كرتان كرعة خضراء
نصف كيلو كرعة خضراء نحكوها ونصفيوها من الماء ونقليوها شوية حتى اتحيد داك الماء نزيدو عليها 2 بطاطات مصلوقين ومحكوكين نخلطو كولشي حتى اندامجو ونزيدو عليهم الفرماج محكوك و شوية ملح و ابزار و من بعد في مقلة اخرة نقليو بصلة حتى كات نزل و نديرو معها الكفتة و فلفلة حمراء بعد ما شويناها شوية ملح و ابزار في اناء ديال الفرن نديرو طبقة الاولى ديال الكرعة ثم الكفتة و الفلفلة تم نغطيو عاود بلكرعة وندردرو الفرماج من الفوق وندخلوها للفران و بالصحة و الراحة


دجاجة بماطيشة
دجاجة فيها كيلو ونصف
بصلة مشلضة
عود قرفة
معلقة ص سمن
زعفران حر
قبطة قزبور معدنوس
سكنجبير
ابزار
ملح
وخرقوم
نخلطو كولشي ونخليو دجاج اطيب بوحدو
مطيشة نشدوها ونزيدو عليها معلقة ماءزهر و سكر حسب الدوق و القرفة و شوية مسكة حرة و نخليوها حتى تعقاد ونديروها فوق دجاج وندردرو زنجلان و بالصحة و الراحة

ام زينب من الرباط


فقاص مالح
3 بيضات
كاس ونصف حليب
كاس ونصف زيت
كاس ونصف ماء
معلقة ص ملح
معلقة ص هريشة
2 معالق موطارد
معلقة ص ابزار
معلقة صغير خميرة خبز
3 فرماجات مربعين
2 خمارت الحلوة
طحين حسب الخليط
نجمعو العجينة ونقسموها على 2
كل قسم نسموه باش ما بغينا
اما زعيترة و لا اازير و تومة غبرة و لي بغينا نبرموهم بريمات صغار وندخلوهم ابردو 15 دقيقة من بعد نخرجوهم وندهنهم بشوية صفار بيض وحليب نخليوهم اتعرقو شوية في الفران ونخرجوهم نلاقي 4 ب 4 ونبدا نقطعهم فقيقصات صغار في نفس الحجم من بعد نردوهم اطيب في الفران

عصير خيار
1 خيارة
4 وراق نعناع
1 ياغورت
قطرات ملون اخضر
سنيدة حسب الدوق
نخلطو كولشي و بالصحة و الراحة

عتيقة من مراكش

تبريمة
ربع كاس عنبر
ربع كاس دقيق مزكور *درة*
ربع كاسفول مطحون
ربع كاس نشا
كاس ياغورت مسوس
4 معالق ماء الخيار
4 معالق عصارة البطاطة و حامضة معصورة و 2 معالق زيت الكلسرين التبريمة نستعملوها بعد الغسل الى غسلنا عاد نستعملوها 15 دقيقة ونغسلو الجسم

وصفة شفط الدهون
ربع معلقة قرفة بلدية
معلقة كامون بلدي
نصف معلقة سكنجبير خضر
2 شريحات مقطعين
ليمونة بقشورها مقطعة
كاس ماء فاش نغليو المكونات نغليوهم في الماء ونخليوهم ابردو شوية من بعد نخليوهم بالعسل ونبقاو نشربوهم قبل الماكلة ب 2 ساعات

مريم من العيون

تبريمة ناطة
نشدو ناطة و زعفران نديروهم حتى اطلق الزعفران ونشدو دقيق شعير و الحمص مطحون و روز و الغاسول الابيض ومحلول ديال الروز نخلطوهم مع حليب المركز لي طيبنها كراميل ونخلطو ونخليوه حتى اطلب ونديروه كتبريمة على الجسم ونخليوها شوية عاد نبرموها بفرماجة

تبريمة اخرى
10 ناطات و مشروب غادي ونخليوه حتى طلق فيه ناطة مزيان ونزيدو حليب مركز عليهم ونخليوهم اتجانسو مزيان ونديروهم كماسك للووجه